Ministri i Mbrojtjes, Armend Mehaj, ka pritur në takim kadetët tonë të cilët studiojnë në Forcat e Armatosura të Shqipërisë.

Që nga marrëveshja bilaterale mes Kosovës dhe Shqipërisë, tashmë janë duke studiuar gjithsej nëntë kadetë në Akademinë e Forcave të Armatosura të Shqipërisë – Fakultetin e Mbrojtjes dhe Sigurisë (shkenca ushtarake) duke përfaqësuar Republikën e Kosovës.

Nga këta studentë, në vitin e dytë janë katër kadetë të cilët pritet të diplomojnë në vitin 2024, si gjenerata e parë nga Kosova, ndërsa në vitin e parë janë pesë kadetë.

Gjatë këtij viti janë përzgjedhur edhe dhjetë kadetë të tjerë që pritet të fillojnë studimet në tetor të këtij viti, në tri drejtime të ndryshme.