Rezoluta kundër mbajtjes së referendumit serb në Republikën e Kosovës ka hapur përplasje të reja mes politikanëve në vend.

Ishte Skender Hyseni që e ka quajtur servil dhe hipokrit kreun e partisë së tij, Lumir Abdixhiku, pasi ky i fundit i është përgjigjur pozitivisht votimit të kësaj rezolute.

Në këtë “debat” është përfshirë edhe ish-deputetja e Lidhjes Demokratike të Kosovës, Melihate Tërmkolli. Ajo e ka quajtur servil të ish-presidentit Hashim Thaçi, Skender Hysenin dhe Lumir Abdixhikun servil të Albin Kurtit.

“Servili i Hashimit e paska kritiku servilin e Albinit për servilizëm! Filozofi e rëndë kjo!”, ka shkruar Tërmkolli në llogarinë e vet në “Facebook”.