Kryetari i Komunës së Suharekës, Bali Muharremaj, ka bërë me dijes se parkingu në oborrin e objektit të kësaj komune do të jetë i hapur mërgimtarët të cilët kanë ardhur për pushime në vendlindje.

Ai ka thënë se ka marrë një vendim të tillë në mënyrë që mërgimtarit të kryejnë shërbimet e tyre komunale.

“Po ashtu edhe hapësira e ‘Tregut Javor’, u lejohet për parking me përjashtim të ditës së tregut (e martë).  Kjo mundësi u krijohet për qasje sa më të lehtë, në kryerjen e shërbimeve të tyre. Duke ju shprehur mirëseardhje, shpresojmë të kaloni pushime të mbara në atdheun tuaj. Ne jemi në shërbimin tuaj!”, ka thënë Muharremaj.