Merkeli bisedon me kryeministrat e vendeve të ‘Grupit të Vishegradit’

07 shkurt 10:34

Kancelarja gjermane, Angela Merkel do të bisedojë në Bratislavë me kryeministrat e Sllovakisë, Polonisë, Çekisë dhe Hungarisë për të shënuar 30-vjetorin e rënien së “Perdes së Hekurt”.

Qeveria gjermane ka theksuar para takimit se ndryshimi politik në këto vende ka ndihmuar procesin e ribashkimit të Gjermanisë.

Merkel fillimisht do të takojë kryeministrin sllovak, Peter Pellegrini për të diskutuar çështjet ekonomike, të politikës së Jashtme dhe ato evropiane.

Megjithatë, Merkeli ka hasur në kundërshtimin e Polonisë dhe Hungarisë lidhur me politikën e saj të kufijve të hapur për refugjatët, raporton “Rel”.

Polonia, Shtetet e Bashkuara, shtetet baltike dhe disa vende të tjera të BE-së kanë shprehur gjithashtu shqetësime rreth projektit, tubacioni i dytë i gazit që lidh Rusinë drejtpërdrejt me Gjermaninë nën Detin Baltik.

Kjo do të shmangte tubacionet ekzistuese të gazit përmes Ukrainës dhe kritikët kanë thënë se do të rriste varësinë e energjisë nga Rusia.

Kryeministri polak, Mateusz Morawieck e ka quajtur tubacionin një armë të luftës hibride që Moska dëshiron të përdorë për të minuar sigurinë evropiane të energjisë dhe solidaritetin e BE-së dhe NATO-s.

Fjalët Kyçe:

Lajme të sponsorizuara

Të fundit
Ministri i Jashtëm i Serbisë, Ivica Daçiq, ka deklaruar se…