Ministri Hasani kërkon nga Dogana ndalimin e lodrave të rrezikshme nga tregu aziatik

10 gusht 2018 | 17:18

Ministri i Tregtisë dhe Industrisë (MTI), Bajram Hasani, ka bërë me dije se prej 15 mostrave të lodrave të cilat i kanë dërguar për testim në Holandë, 12 prej tyre kanë dal të rrezikshme për përdorim.

Pas këtyre analizave, Hasani ka thënë se ka kërkuar nga Dogana e Kosovës që të ndalojë të gjitha lodrat nga tregu aziatik dhe të cilat nuk i plotësojnë standardet ndërkombëtare.

“Ne sot kemi marrë analizat përfundimtare nga laboratori ‘SGS’ në Holandë dhe sipas analizave këto mostra janë jo konform me parametrat e përcaktuar në ligjet dhe standardet përkatëse. Menjëherë kemi kërkuar nga Dogana e Kosovës që ta kenë si prioritet të lartë, sigurinë e lodrave dhe të ndalojnë importin e të gjitha lodrave nga tregu aziatik që nuk i plotësojnë kriteret”, ka shkruar në llogarinë e vet në “Facebook”.

Ai ka thënë se siç e përcakton edhe Ligjit nr. 06/L-041 për Kërkesat teknike për produktet dhe vlerësim të konformitetit dhe Rregullorja nr.02/2017 për sigurinë e lodrave, të gjitha produktet (lodra), të cilat importohen, duhet të jenë të shoqëruara me dosjen teknike e cila përmban: deklaratën e konformitetit ( të lëshuar nga prodhuesi), test raportin ( i lëshuar nga një trup e certifikuar), dhe etiketën me informatat e nevojshme për përmbajtje dhe përdorim.

Prej 15 mostrave të lodrave të cilat i kemi dërguar për testim në Holandë, 12 prej tyre kanë dal të rrezikshme për…

Gepostet von Bajram Hasani am Freitag, 10. August 2018

Lajme të sponsorizuara

Të fundit
Liam Hemsworth dhe Miley Cyrus mund të mos martohen kurrë.…