![](https://www.epokaere.com/wp-content/uploads/2021/07/Davor-Bozinoviq.jpeg)
Ministri i Brendshëm i Kroacisë thotë se do t’i mbajë të informuar ministrat e Kosovës për aksidentin tragjik
Të paktën 10 viktima janë regjistruar nga një aksident me fatalitet i një autobusi nga Kosova në Kroaci.
Ministri i Brendshëm i Kroacisë, Davor Bozinoviq, ka deklaruar se ka shkëmbyer informacione me ministrin e Mbrojtjes dhe atë të Brendshëm të Kosovës.
Ai ka thënë se me ministrin Armend Mehaj dhe Xhelal Sveçla vazhdimisht do të shkëmbejnë informacione për aksidentin tragjik.
“Unë fola me ministrin e Mbrojtjes të Kosovës, Armend Mehaj dhe ministrin e Brendshëm, Xhelal Sveçla, me të cilët vazhdimisht do të shkëmbejmë informacionet që kemi në dispozicion. Shpreh ngushëllimet e mia të thella për familjet e të vdekurve në aksidentin e rëndë të trafikut që ndodhi këtë mëngjes pranë Slavonski Brod dhe shërim të shpejtë të lënduarve”, ka shkruar ai në llogarinë e vet në “Twitter”.
Razgovarao sam s kosovskim ministrom obrane Armend Mehaj i ministrom unutarnjih poslova Xhelal Svecla s kojim ćemo kontinuirano razmjenjivati dostupne informacije.
— Davor Božinović (@DavorBozinovic) July 25, 2021