Ministri i Shëndetësisë, Rifat Latifi, i shoqëruar nga drejtori i ShSKUK-së, Valbon Krasniqi, ka vizituar  Spitalin Pediatrik-Kirurgjik, Klinikën e Kirurgjisë Torakale dhe Qendrën Emergjente në QKUK.

Me këtë rast, ai ka falënderuar personelin shëndetësor dhe atë mbështetës për punën që po bëjnë dhe angazhimin e tyre për t’u ofruar qytetarëve shërbime shëndetësore në çdo kohë.

Gjatë kësaj vizite, ministri Latifi ka bashkëbiseduar edhe me pacientë që po marrin shërbime në klinikat e QKUK-së dhe familjarët e tyre.