Mos shkoni sot në ATK deri në orën 12:00, se askush s’ju kryen shërbim
19 korrik 2021
| 08:53
Sindikata e Punëtorëve e Administratës Tatimore të Kosovës (ATK) nga e hëna e deri të premten do ta vazhdojë grevën si pasojë e mosrealizimit të kushteve të tyre.
Dyert e ATK-së në Prishtinë në mëngjesin e ditës së hënë ishin të mbyllura dhe deri në orën 12:00 nuk do të ofrohet asnjë shërbim për tatimpaguesit.
Madje ata kanë paralajmëruar se nëse ende nuk ka reflektime në lidhje me kërkesat nga data 26 korrik do të vazhdohet greva e përgjithshme nga ora 08:00 deri në orën 16:00.
Arsyet për mbajtjen e kësaj greve janë: Propozim-ndryshimi i statusit të Administratës Tatimore të Kosovës, krijimi i kushteve të punës dhe kompensimet e shpenzimeve.