Tifo-grupi “Plisat”, përmes një postimi në rrjetet sociale, kanë reaguar ndaj vendimit të Federatës së Basketbollit të Kosovës (FBK), në lidhje me moslejimin e tifozëve mysafirë në palestra.

Sipas “Plisave”, vendimi i FBK-së është arbitrar dhe diskriminues.

Ndër të tjera, në këtë reagim  është thënë se ky vendim është më diskriminues veçanërisht për klubin kryeqytetas.

Sipas tifo-grupit në fjalë, vendimi për t’i anuluar të gjitha udhëtimet e organizuara nga klubet mysafire, nuk bazohet në ndonjë arsye specifike (të paktën jo në atë që shihet si e publikuar).