Musliu tregon se si u përball me shpifjet dhe trillimet se është “babai” i Vuçiqit

28 nëntor 08:41

Gazetari dhe publicisti Fahri Musliu, ka rrëfyer hollësisht një lajm që para shumë vitesh bëri bujë të madhe. Duke marrë për bazë pamjen fizike, mediat dhe portalet serbe kanë aluduar se ai ishte babai biologjik i Aleksandar Vuçiqit, presidentit aktual të Serbisë.

Fahri Musliu i ftuar në emisionin “Fakte të Adnan Merovcit”, ka treguar pikë e për pe se si u përball me këtë lajm të rremë.

“Kjo ka ndodhë në tetor, para 8 vitesh. Më herët ka shkruar një portal serb vetëm me 1, 2 fjali se ka dalë informata prej RTS (Radio Televizionit Serb) se kinse Vuçiqi, kur veçse në atë periudhë pati filluar të afirmohej si zv.kryeministër, është djali i Fahriut”.

Ai këtë histori të bujshme mediatike fillon ta sqarojë duke treguar se çfarë pyetje merr nga qytetarët në rrugë që besojnë se ai është babai i Vuçiqit.

“Çdo ditë ke nëpër rrjetet sociale ku më thonë se ‘pse s’po e detyron atë djalin tënd me na njoftë, me e njoftë Kosovën’. Unë tash po reagoj, po them ‘s’po më dëgjon bre, çka ka me bo, më ka dalë prej dore’. Pra, është një shpifje, me të thënë të drejtën, mjaft e hidhur. E hidhur sepse shpifjet janë të tilla. Po të kishte diçka konkrete, unë jam njeri i tillë që e pranoj sikur që e pranoj fëmijën tim, bie fjala”, u shpreh ai.

“Tash dikush thotë, keni shumë ngjashmëri, unë i them po de po ngjashmëri, por çka të bëj unë se fëmijët e mi nuk më ngjasojnë mua, atëherë të kujt janë ata? A e dini ju se në botë shtatë njerëz janë klone? Jo! Por, po flet sikur ti ai! Po ndoshta po flet sikur unë”.

Lajme të sponsorizuara

Të fundit
Kryeministri i Shqipërisë, Edi Rama, ka uruar 110-vjetorin e Ditës…