NDARJA NGA JETA E MËSUESIT

19 janar 00:41

Ismet Sylejmani

Ndahet nga jeta Mësuesi që ka qenë i pari në jetën Tënde, i cili pas prindërve, ta ka kapur dorën e vockël dhe të ka mësuar se si mbahet lapsi e si shkruhet shkronja A!

Kur ky njeri i shenjtë i jetës Tënde, ndahet nga jeta, dhembja për të gjithë ata që e kanë pasur mësues, padyshim se është e madhe!

Nuk ka zemër të çdo nxënësi, i të cilës do moshë që mund të jetë, që të mos ndjejë dhembje, e të mos i shkojë si në revistë e tërë jeta e Tij, përballë mësuesit me të cilin e ka filluar jetën në bankat e shkollës!

Lajm i kobshëm!

Lajm që të shkakton dhembje!

Në fshatin tim të lindjes, në Cernicë të Gjilanit, ka myllur sytë përgjithmonë në moshën 90 vjeçare Mësuesi im dhe i shumë gjeneratave Nuhi Sherifi – Mësuesi Nuhi!

Ashtu sikur edhe shumë nxënëse e nxënës të Mësuesit Nuhi, edhe unë ndjej dhembje dhe është moment i trishtueshëm në jetën time, sepse kur të ndahet nga jeta njeriu që ti ka mësuar shkronjat e gjuhës shqipe, që ke shkruar dhe lexuar, dhe me të cilën je rritur, je edukuar e ke hedhur hapat e viteve e dekadave në jetën Tënde, pa dyshim se është vendimtar dhe kthesë rrënjësore në jetën e çdo nxënësi!

Familjes së Mësuesit Nuhi, nipërve dhe mbesave të Tij, nxënësve të të gjitha, gjeneratave, moshave dhe gjinive, kolektivit të shkollës “Ramiz Cernica” në Cernicë, ju shpreh ngushllimet e mia të thella dhe të sinqerta!

Lamtumirë Mësuesi ynë Nuhi Sherifi!

Ti je i pavdekshëm!

Të kujtojnë e të nderojnë të gjitha gjeneratat që i ke mësuar dhe i ke edukuar!

Të qoftë i lehtë dheu i tokës së Cernicës, e cila i ka dhënë shumë bijë e bija luftës për liri e pavarësi të Kosovës nga Serbia pushtuese!

I pikëlluar njëri prej nxënësve Tuaj!

Prishtinë 18 Janar 2021!

Lajme të sponsorizuara

Të fundit
Ish-deputeti i VV-së, Dardan Sejdiu, ka komentuar listën e kandidatëve…