Ka ndërruar jetë veprimtari i çështjes kombëtare, Azem Makolli – Hertica.

Lajmin e ka bërë me dije, botuesi i gazetës “Epoka e re”, Muhamet Mavraj.

Mavraj në “Facebook” ka shkruar Hertica ka qenë shqiptar prej guri, i cili jo vetëm ka kontribuar për kombin, por ju ka bërë konak të gjitha gjeneratave patriotike.

Postimi i plotë i Mvarajt:

Paska kaluar andej baca Azem Makolli (Hertica). Këndohet në këngë moti.

Tri vepra monumentale i ka për atë bote:

1 – Vrau në rini një kasap serb;

2 – Qëndroi si shkëmb në burgjet më të rënda që imagjinohen në ato kohëra;

3 – Dera e tij u dha konak e mbrojtje të gjitha gjeneratave patriotike, deri të ajo që e pash vetë, përfshirë Bacën Adem në luftë e në paqe!

Lamtumirë, o shqiptar prej guri!

Të fala Bacës, Shasivarit (Qalit) dhe të gjithë shokëve nga mbarë trojet!

Përgjithmonë Lavdi!