Një ndërtesë e lartë 33-katëshe u përfshi nga flakët në qendër të Koresë së Jugut, ditën e enjte, duke shkaktuar panik te qindra persona që ishin brenda saj.

Zjarri shpërtheu mes katit të tetë dhe atij të 12 në ndërtesën e Samhwan “Art Noveau”, e cila është e përbërë nga banesa dhe njësi tregtare.

Më shumë se 80 persona u dërguan në spital pasi patën probleme me frymëmarrjen, ndërkohë që dhjetëra zjarrfikës u angazhuan për shuarjen e flakëve, të cilat u vunë në kontroll vetëm pas 13 orësh.