Ndodh në SHBA, mjeku vjedh dozat e vaksinës antiCovid për t’ia dhënë familjes dhe shokëve

23 janar 2021 | 21:38

Një mjek akuzohet se ka vjedhur nëntë doza vaksine për koronavirusin për t’ua dhënë familjarëve dhe miqve.

Mjeku Hasan Gokal akuzohet për vjedhjen e dozave në një qendër vaksinimi në Houston të Teksasit më 29 dhjetor.

Prokuroria tha se pasi vodhi dozat, mjeku filloi të mburrej tek një koleg, i cili më pas u ankua tek menaxheri. Menjëherë pas këtij veprimi, spitali vendosi pushimin nga puna të mjekut. Çfarë bëri ai është e paligjshme dhe do të mbahet përgjegjës sipas ligjit, tha prokurorja, Kim Ogg.

Ndërkohë nga ana tjetër, avokati mbrojtës i mjekut tha se vaksina do të kishte skaduar sidoqoftë. Doktori Gokal është shërbyes i dedikuar ndaj publikut. Ai u sigurua që dozat e vaksinës që do të kishin skaduar të shkonin tek njerëzit që i plotësojnë kriteret, tha ai.

Gjykata do ta marrë vendimin në ditët në vijim, ndërkohë që Gokal mund të përballet me një dënim prej 1 viti burg dhe një gjobe 4000 dollarëshe.

Lajme të sponsorizuara

Të fundit
Juventus gjatë javëve të fundit ka vuajtur infektimet e shumta…