Në fundjavë e gjithë unaza qendrore e Prishtinës në qarkore do të shfrytëzohet si njëkahëshe

21 prill 17:58

Komuna e Prishtinës ka njoftuar të gjithë qytetarët e Prishtinës se të shtunën më datë 23 dhe 24 prill, 7 rrugët në kryeqytet do të testohen për funksionimin si rrugë njëkahëshe.

Në fundjavë e gjithë unaza qendrore e Prishtinës në qarkore do të shfrytëzohet si njëkahëshe.

Njoftimi i plotë i Komunës së Prishtinës:

Të dashur qytetarë,

Të shtunën më 23 prill dhe të dielën më 24 prill, do ta testojmë shndërrimin e gjithë unazës qendrore të Prishtinës në qarkore njëkahëshe për automjetet.

Do të funksionojnë, gjatë kësaj fundjave, krejtësisht si rrugë njëkahëshe:

– Rruga ‘Agim Ramadani’ që nga semaforët pranë ish-menzës së Studentëve e deri te rrethrrotullimi prapa ndërtesës së Komunës

– Rruga ‘UÇK’ nga Parlamenti e deri te ish-Kino Rinia.

– Rruga ‘Migjeni’ deri te ndërtesa e ish-OSBE

– Rruga ‘Luan Haradinaj’ deri te semaforët pranë Bankës Qendrore

– Rruga ‘Garibaldi’ deri te semaforët pranë Grandit

– Rruga ‘George Bush’ deri te semaforët pranë Katedrales

– Rruga ‘Eqrem Çabej’ deri te semaforët pranë ish-Menzës së Studentëve.

Lëvizja e trafikut nëpër unazën e mësipërme do të jetë njëkahëshe në të gjitha korsitë dhe krahët e rrugëve.

Lajme të sponsorizuara

Të fundit
Shefi ekzekutiv i kompanisë së dytë më të madhe të…