Në Kosovë do të formohet Federata e Ragbit

06 mars 15:12

Ministri i Kulturës, Rinisë dhe Sportit, Kujtim Gashi, ka pritur të mërkurën në takim në kabinetin e tij, ambasadorin britanez në Kosovë, Ruairi O’Connell.

Gjatë këtij takimi është biseduar rreth bashkëpunimit të deritashëm por edhe gatishmërisë për të vazhduar këtë bashkëpunim dhe për të zhvilluar projekte konkrete. Veçanërisht u diskutua për hapjen e Federatës së Ragbit në Kosovë.

“Ne jemi të gatshëm që të vazhdojmë të punojmë bashkërisht në realizimin e projekteve të përbashkëta sepse vetëm kështu mund të arrijmë të kemi suksese dhe të plotësojmë nevojat e të rinjve tanë e pse jo të shkëmbejmë edhe përvojat tona dhe profesionistë të ndryshëm. Po ashtu ne jemi të gatshëm për të jetësuar idenë e formimit të Federatës së Ragbit në Kosovë dhe do të angazhohemi maksimalisht në këtë drejtim e të japim kontributin tonë për zhvillimin e këtij sporti me pak traditë në vendin tonë”, ka thënë ministri Gashi.

Në anën tjetër, ambasadori O’Connell, falënderoi ministrin Gashi për pritjen e tij dhe për gatishmërinë e tij në lidhje me krijimin e Federatës së Ragbit në Kosovë. Ambasadori britanez u shpreh se është i kënaqur për këtë angazhim të ministrit dhe të MKRS-së që t’u jepet hapësirë sporteve të reja në Kosovë.

Fjalët Kyçe:

Lajme të sponsorizuara

Të fundit
Sonte nga ora 21:00 në Paris zhvillohet ndeshja e kthimit…