Nënshkruhen kontratat e operatorëve për ndërtimin e autostradës Prishtinë-Gjilan

12 shkurt 17:24

Ministri i Infrastrukturës, Pal Lekaj, në prezencën e dy deputetëve të Kuvendit të Kosovës, që vijnë nga Gjilani, Zenun Pajaziti dhe Ahmet Isufi, ka nënshkruar kontratat e operatorëve ekonomikë për ndërtimin e autostradës Prishtinë-Gjilan.

“Në pajtim me Ligjin për Prokurim Publik të Republikës së Kosovës, në prezencën e dy deputetëve të Kuvendit të Republikës së Kosovës, që vijnë nga Gjilani, Zenun Pajaziti dhe Ahmet Isufi, bashkëpunëtorëve të mijë dhe të zyrtarëve të Ministrisë së Infrastrukturës, sot nënshkruam kontratat e operatorëve ekonomikë për ndërtimin e autorrugës, A 7.1, Prishtinë – Gjilan. Kjo nënkupton se ne shumë shpejt do të fillojmë punimet në materializimin e këtij projekti shumë domethënës për Gjilanin”, ka thënë ministri Lekaj.

Lekaj ka thënë se nga çmimi fillestar për ketë projekt, buxhetit të Republikës së Kosovës i janë kursyer mbi 12 milionë euro, të holla këto që tashmë mund të alokohen për projekte të tjera.

“Po ashtu nga sa janë planifikuar të shpenzohen si çmim i projektit, mbi 41 milionë euro më pakë kushtojnë kontratat e tetë operatorëve ekonomikë. “Ashtu siç e kam thënë nga fillimi, nuk kemi ardhur në Qeveri, respektivisht në Ministrinë e Infrastrukturës për të bllokuar asnjë projekt mbi baza elektorale e partiake, siç na janë referuar ish-qeveria në vazhdimësi, që sot janë në opozitë. Do të jemi të barabartë për të gjitha komunat”, ka thënë Lekaj.

Lajme të sponsorizuara

Të fundit
Presidenti Hashim Thaçi ka përgëzuar ish të burgosurin politik Gani…