Nesër (e hënë), në orën 9:30, do të bëhet përurimi i aneks-objektit të Agjencisë së Kosovës për Forenzikë (AKF), një investim ky i Ministrisë së Punëve të Brendshme.

Në ceremoninë e përurimit të këtij objekti do të marrin pjesë: kryeministri i Republikës së Kosovës, Avdullah Hoti, ministri i Punëve të Brendshme, Agim Veliu, ambasadorë të akredituar në Kosovë, si dhe përfaqësues të institucioneve dhe organizatave të ndryshme vendore dhe ndërkombëtare.

Ceremonia do të mbahet në objektin e AKF-së, që gjendet afër ish-fabrikës së amortizatorëve.