Autoritetet e Kosovës nuk e kanë lejuar një furgon me dinarë serbë që të kalojë në pikëkalimin kufitar në Jarinjë.

Nga Banka Popullore e Serbisë kanë thënë për “Kosovo-online” se mjetet kanë qenë të dedikuara për pagat, pensionet dhe pagesat tjera për serbët që jetojnë në Kosovë.

Makina me dinarë ka ardhur nën përcjellje të policisë serbe deri në pikën kufitare rreth orës 11:00, por që është kthyer pas.

Nga 1 shkurti ka hyrë në fuqi rregullorja e re e Bankës Qendrore të Kosovës, sipas së cilës valutë e vetme zyrtare është euro.