Programi Botëror i Ushqimit i Kombeve të Bashkuara ka njoftuar pezullimin e dërgesave të ndihmave ushqimore jetike në Gazën veriore derisa kushtet në enklavën palestineze të shkatërruar nga lufta të lejojnë shpërndarjen e sigurt. Në një deklaratë, WFP denoncon sulmin ndaj kamionëve të saj.

“Vendimi për të pezulluar dërgesat në veri të Rripit të Gazës nuk u mor lehtë, pasi ne e dimë se kjo do të thotë se situata atje do të përkeqësohet më tej dhe se gjithnjë e më shumë njerëz do të rrezikojnë të vdesin nga uria,” tha agjencia e ushqimit të OKB-së me qendër në Romë në një deklaratë për shtyp.

Tre agjenci të OKB-së ,WFP, Organizata Botërore e Shëndetësisë dhe agjencia e fëmijëve UNICEF, thanë të hënën ushqimi dhe uji i sigurt ishin “tepër të pakta dhe sëmundjet janë të përhapura… duke rezultuar në një rritje të kequshqyerjes akut” në Gaza më shumë se katër muaj pas luftës Izrael-Hamas.