![](https://www.epokaere.com/wp-content/uploads/2020/06/m.jpg)
Osmani: Luftimi i krimit dhe korrupsionit krijon institucione të besuara e kredibile
09 qershor 2020
| 15:17
Kryetarja e Kuvendit të Kosovës, Vjosa Osmani ka mbajtur sot një takim me drejtorin e Agjencisë Kundër Korrupsion, Shaip Havolli si dhe udhëheqësen e UNDP-së, Maria Suokko.
Ky takim është realizuar me rastin e fillimit të angazhimit të punës së Agjencisë Kundër Korrupsion në hartimin e strategjisë kundër korrupsionit për periudhën 2021-2025.
Kryetarja Osmani ka falënderuar për rolin mbështetës që ka UNDP-ja në hartimin e strategjisë.
Ajo ka thënë se angazhimi në luftën kundër korrupsionit krijon mundësinë për institucione të besuara dhe kredibile.
Në këtë takim, gjithashtu u diskutua edhe për bashkëpunimin dhe bashkërendimin institucional deri në fazën finale të aprovimit të strategjisë nga Kuvendi i Kosovës.
(M.Q / Epoka e re)