Kandidatja për kryeministre nga Lidhja Demokratike e Kosovës (LDK), Vjosa Osmani, ka thënë se duhet t’i jepet fund praktikave ku shteti ka hise në biznese,  teksa ka bërë me dije se shumë shpejt do të finalizohet lista e kandidatëve për deputetë nga radhët e kësaj partie.

Ajo gjatë një vizite në Parkun e Bizneseve në Drenas, ka thënë se bizneset duhet të kenë barazi para ligjit dhe se duhet të eliminohet çdo pengesë dhe barrierë për ta.