Osmani takohet me kryeparlamentarin e Singaporit, ja për çfarë biseduan

27 qershor 2022 | 15:18

Presidentja e Republikës së Kosovës, Vjosa Osmani, gjatë vizitës në Singapor është pritur në takim të hënën nga kryetari i Parlamentit të Singaporit, Tan Chuan-Jin, së bashku me një grup deputetësh.

Në këtë takim, Osmani ka folur mbi marrëdhëniet e shkëlqyera në mes të Kosovës dhe Singaporit, duke vlerësuar edhe rëndësinë e bashkëpunimit ndërparlamentar për t’i përafruar më shumë vendet tona, si dhe qëndrimet karshi zhvillimeve globale.

“Bashkëpunimi ynë bilateral ka potencial për t’u thelluar më tej, e këtu rol të veçantë luan edhe diplomacia parlamentare” ka theksuar presidentja Osmani.

Presidentja Osmani ka përmendur suksesin ekonomik dhe zhvillimor të Singaporit, si frymëzues për Kosovën.

Në këtë drejtim, presidentja Osmani ka folur edhe për potencialin e intensifikimit të bashkëpunimit në mes të dy vendeve tona në mbrojtje, energji, arsim e fusha të tjera të interesit të përbashkët.

Presidentja Osmani dhe kryetari Chuan-Jin kanë biseduar edhe për zhvillimet globale dhe nevojën që demokracitë të qëndrojnë të bashkuara në këto kohë të sfidave madhore.

Lajme të sponsorizuara

Të fundit
Pas formës jashtëzakonisht të mirë në Art Motion Superligën e…