Pas rritjes së numrit të rasteve me Covid-19 në Kosovë, e veçanërisht në Prishtinë, takimet me palë në Drejtorinë e Urbanizmit do të pezullohen.

Kështu ka njoftuar kryetari i Prishtinës, Shpend Ahmeti, përmes një postimi në llogarinë e vet në “Facebook”.

“Rritja e numrit të rasteve me #Covid-19 ka përkeqësuar situatën epidemiologjike, prandaj kemi marrë vendim që si masë mbrojtëse kundër përhapjes së virusit të pezullohen përkohësisht takimet me palë në Drejtorinë e Urbanizmit”, ka shkruar Ahmeti.

Vetëm në 24 orët e fundit në Prishtinë janë konfirmuar 72 raste të reja me Covid-19.