Shkruan: Burim Z. Gjaka

Gjithmonë kam pasur dhe kam respekt për Policinë e Kosovës, shumë prej të cilëve edhe i njohë personalisht dhe janë shembull për t’mirë. Prandaj parimisht do të doja që ata policë të cilët janë në nivel njerzor dhe të detyrës të mos ndjehen keq ose të fyer në ndonjë formë nga ky postimi i imi sepse unë po mundohem që për të mirën e tyre ta bëj ndarjen e tyre nga policët e tillë çfare u panë në videon e publikuar dje, ku dhunohej një i mitur brenda stacionit!

Mirëpo kjo nuk d.m.th se duhet të amnistohen ata policë të cilët shkelin të drejtat më elementare të njeriut. Dhunimi i të riut në stacion nga disa policë të cilët përveq dhunës fizike bëjnë edhe përqeshje dhe tallje me të riun është krim i organizuar, ngase ka shumë elemente të krimit të organizuar. Dikush e dhunon fizikisht, dikush e gjiron për t’u tallur më pas dhe dikush tjetër heshtë për 2 vite duke mbuluar krimin. Madje dhunën e shkakton dikush që për të dyten herë arrestohet për keqpërdorim detyre, kurse prokurori për çudi e dërgon rastin në procedurë të rregullt. Raste të tilla janë zbuluar shumë, e shumë të tilla mund edhe të mos jenë zbuluar, mirëpo organet e shtetit nuk kanë vepruar si duhet.

Të tillët që bëjnë sjellje të tilla shtazarake po ia ulin imazhin Policisë në tërsi, prandaj policët e devotshëm duhet të distancohen nga të tillët nëse duan respektin e qytetarëve. Të kqinjët nuk luftohen duke heshtur, prandaj duhet masa rigoroze deri te përjashtimi i përjetshëm nga Policia, dhe llogaridhënje për veprat e tyre, nëse duam ta ruajmë vlerësimin pozitiv që kemi pasur si popull ndaj Policisë sonë, e  që është hera e parë që e kemi dhe që janë vllezër e motra tona dhe flasin shqip. Stacionet e Policisë duhet të jenë institucionet më të sigurta, ku qytetarët edhe kur kryejnë ndonjë krim të rëndë dorëzohen aty si vend i sigurt, ndërsa kjo që u publikua dje, duhet të jetë rasti i  fundit i tillë, por jo edhe të heshtet. Sepse pastaj qytetarët mund edhe ta marrin drejtësinë në duar dhe kombinimi i ligjit me kanun pastaj nuk na dërgon askund!..

Policët janë tanët prandaj nuk duhet të ofendohen, përkundrazi. Unë po kërkoj vlerësim performance në polici, gradim dhe degradim në bazë të saj. Vetëm  kështu bëhet Policia profesionale. Asesi ofendime, por mbi të gjitha respektim të ligjit dhe drejtësi!