Përgatitet spitali i katërt për të prekurit me koronavirus në Shqipëri

26 mars 14:45

Kryeministri i Shqipërisë, Edi Rama, ministrja e Shëndetësisë, Ogerta Manastirliu dhe ministri për Rindërtim, Arben Ahmetaj, kanë vizituar ambientet e një ish-kampusi universitar i cili pritet të jetë spitali i katërt që do të presë personat e prekur nga koronavirusi, nëse numri i të infektuarve do të rritet më tutje.

Ministrja Manastirliu ka paraqitur planin për transformimin e godinës ekzistuese në spital karantine për të cilën ajo tha se nevojiten disa ditë kohë.

“Kjo do të shërbejë si një spital karantinë me asistencën bazë mjekësore, do të shërbejë për ata pacientë që do të jenë më mirë nga koronavirusi, por që do të kenë ende nevojë për trajtim mjekësor. Kjo është pjesë e skenarit të katërt. Si fillim, kjo strukturë do të përgatitet për 80 shtretër”, ka thënë ajo.

Ndërsa kryeministri Edi Rama, ka lënë një afat kohor 30 ditorë që të merren të gjitha masat që spitali i ri i parashikuar për karantinën të jetë gati.

 

 

Lajme të sponsorizuara

Të fundit
Zëvendësministri i Punëve të Brendshme dhe Administratës Publike (MPBAP), Bajram…