Kryetari i Komunës së Ferizajt, Agim Aliu, ka bërë me dije se kanë përfunduar punimet në nënkalimin në Nikadin-Varosh.

Ai ka thënë se ky nënkalim është ndërtuar sipas standardeve moderne infrastrukturore.

“Përfunduan detajet e punimeve, sinjalistika, ndriçimi publik e gjelbërimi në veprën e re moderne të infrastrukturës rrugore tek nënkalimi për vetura e këmbësorë në Nikadin-Varosh, qarkullimi përmes së cilës do të nis nga e mërkura”, është shprehur Aliu.