Policia me aktivitete shtesë për ngritjen e sigurisë në trafik

05 gusht 2022 | 12:32

Me qëllim të ngritjes së masave të sigurisë në trafikun rrugor, në kuadër të planit operativ “Sezoni veror 2022”, në zonën e përgjegjësisë së Drejtorisë Rajonale të Policisë në Mitrovicën e Jugut, kanë filluar së realizuari aktivitete shtesë për rrezikun dhe pasojat ligjore dhe të sigurisë nga mosbartja e helmetës gjatë ngasjes së motoçikletës.

“Përmes angazhimeve të shtuara policore synohet vetëdijesimi i pjesëmarrësve në trafik e në veçanti i ngasësve të motoçikletave për mbajtjen e helmetës gjatës ngasjes së motoçikletës, ku njëkohësisht ngasësve po iu shpërndahen edhe fletushka me moton ‘Mosbartja e helmetës rrezikon jetën e ngasësit’. Realizimi i këtyre masave preventive edhe një herë dëshmon përkushtimin e vazhdueshëm të policisë në parandalim dhe ngritje të masave të sigurisë së pjesëmarrësve në trafik”, është bërë me dije në njoftimin e Policisë së Kosovës, duke apeluar tek të gjithë pjesëmarrësit në trafikun rrugor që të kenë kujdes dhe t’iu përmbahen rregullave të përcaktuara me Ligjin për sigurinë në trafik.

Lajme të sponsorizuara

Të fundit
Kryetari i Bashkësisë Islame të Kosovës i është drejtuar kryeministrit…