Presidentja Osmani për CNN: Serbia nuk mund të ecë rrugës së Moskës dhe asaj të BE-së

01 korrik 2022 | 18:21

Presidentja Vjosa Osmani ka thënë se tashmë Bashkimi Evropian po e bën ridefinimin e procesit të aplikimit për anëtarësimin në këtë union, me veprimin për Ukrainën, pasi që në situata të këtilla ata e kanë vënë procesin gjeostrategjik si prioritet.

Osmani ka shtuar se ndonëse kriteret me bazë meritore janë të rëndësishme, në situata të tilla si kjo e Ukrainës janë vlerat thelbësore evropiane ato që duhet t’u japin drejtim gjërave.

“Ne e kemi dëshmuar këtë [vlerat evropiane] dhe Ukraina po e dëshmon këtë, andaj mendoj që ne për këtë arsye përkasim atje dhe shpresojmë që BE-ja do të na lë brenda”, ka thënë ajo për CNN.

E para e vendit po ashtu foli edhe për njohjen e ndërsjellë midis Kosovës dhe Serbisë dukje thënë se sa më shpejtë që Serbia t’i thërrasë mendjes, do të jetë aq më mirë për të dyja palët dhe për rajonin në përgjithësi.

Osman lëshoi kritika mbi Serbinë duke thënë që ky shtet nuk mund të ecën edhe rrugës së Moskës edhe asaj të BE-së përnjëherë duke iu referuar marrëdhënieve të dyfishta të Serbisë edhe me Rusinë por edhe me Perëndimin.

Lajme të sponsorizuara

Të fundit
Spanja e ka bërë të paligjshme të pihet cigarja në…