Profesori universitar, Avdi Smajljaj, ka kritikuar shoqërinë civile, e cila është duke heshtur në raport me Qeverinë e Kosovës.

Ai ka thënë se aktivistët e “shoqërisë civile” janë shndërruar në argat të qeverisë.

“Aktivistët e ‘shoqërisë civile’ që në fakt janë argatë të qeverisë e qeverive, vetëm shoqëri civile nuk janë. Nuk mund të jesh edhe shoqëri civile edhe argatë i qeverisë. Njëra e përjashton tjetrën. Nuk e duron njëra-tjetrën.  Mos na ofendoni, duke u përpjekur të na shiteni si shoqëri civile. Mund të jeni gjithçka, vetëm shoqëri civile nuk jeni”, ka shkruar Smajljaj në “Facebook”.