Aktivistët e të drejtave të njeriut kanë shprehur alarmin për shtypjen e protestave në një qytet të populluar nga kurdët në Iranin perëndimor.

Amnesty International tha se kishte raporte se forcat e sigurisë kishin përdorur armë zjarri pa dallim në Sanandaj.

Grupi kurd Hengaw postoi një video që tregonte se policia qëllon në shtëpi në qytet dhe një tjetër në të cilën dëgjoheshin të shtëna me armë zjarri dhe të qara, raporton BBC, transmeton Express.

Ai raportoi se të paktën pesë civilë ishin vrarë dhe 400 u plagosën në të gjithë rajonin që nga e diela.

Por ai paralajmëroi se numri i të vdekurve mund të jetë më i lartë sepse autoritetet po ndërpresin internetin dhe rrjetet celulare lokale.

Protestat kundër institucionit klerik kanë përfshirë Iranin që nga vdekja tre javë më parë e Mahsa Amini, një gruaje kurde nga qyteti perëndimor i Saqqez, e cila ra në koma pasi u arrestua nga policia morale në Teheran për dyshime se kishte shkelur ligjin e rreptë të hixhabit.