Qeveria e Kosovës ka ndarë të mërkurën mbi 4 milionë euro për sigurimin e barnave esenciale për spitale deri në fund të vitit.

Kësisoj, ekzekutivi ka aprovuar kërkesën e Shërbimit Spitalor Klinik Universitar të Kosovës për sigurimin e barnave esenciale.

Propozimin para kabinetit qeveritar e ka prezantuar ministri i Financave, Hekuran Murati dhe i njëjti është miratuar pa asnjë votë kundër apo abstenim.