Qytetarët rrisin besueshmërinë ndaj institucioneve
Qytetarët e Kosovës kanë shënuar rritje të kënaqshmërisë ndaj punës së institucioneve kyçe ekzekutive dhe legjislative në vend.
Sipas anketës Pulsi Publik të realizuar nga UNDP, kënaqshmëria e regjistruar me punën e ekzekutivit është 60.7 për qind, që përbën një rritje prej 46.3 pikë përqindje nga anketa e nëntorit 2019 kur ishte 14.4 për qind.
Gjetjet e kësaj ankete tregojnë se 65.4 për qind e qytetarëve janë të kënaqur me punën e kryeministrit, derisa 72.4 për qind është kënaqshmëria me punën e kryetares së Kuvendit të Kosovës.
Ndërsa përkundër rritjes së niveleve të kënaqshmërisë me institucionet kyçe, ka rritje të pakënaqshmërisë me drejtimin politik të Kosovës. Më shumë se gjysma e të anketuarve (62.8 për qind) janë të pakënaqur ose shumë të pakënaqur me drejtimin aktual politik të Kosovës.
Ndryshe, sipas të dhënave të anketës sipas përkatësisë etnike, tregojnë se COVID-19 ka ndikuar negativisht në mirëqenien ekonomike të të gjithakomuniteteve etnike.
Sipas rezultateve, 65.7 për qind e shqiptarëve dhe serbëve dhe 74.5 për qind e pjesëtarëve të komuniteteve të tjera të Kosovës raportuan ndikim negativ të COVID-19 në mirëqenien e tyre ekonomike.