Tekniku gjerman, Ralf Rangnick, e ka nisur me fitore aventurën e tij në Premier Lige, në krye të stolit të Manchester United.

Manchester United ka marrë fitore minimale 1:0 në “Old Trafford”, në ndeshjen kundër skuadrës së Crystal Palace.

Goli i vetëm në këtë ndeshje u shënua në minutën e 77’ të takimit, kur mesfushori brazilian Fred dërgoi topin në rrjetë, pas asistimit të pranuar nga Mason Greenwood.

United administroi mirë epërsinë e fituar dhe bëri që vërshëllima e fundit të vuloste shifrat e vendosura nga Fred.

Fitorja e parë me Ralf Rangnick e dërgon skuadrën e United në kuotën e 24 pikëve, për pozitën e gjashtë në tabelë.

Crystal Palace mbetet me 16 pikë të tubuara pas 15 ndeshjeve të luajtura dhe mbanë pozitën e 12-të.