Futbollisti i Kosovës, Milot Rashica ka folur edhe një herë për zgjedhjen e tij për t’u transferuar te Beshiktashi, për të cilin klub ka thënë se donte dhe mezi pres të luajë përsëri para tifozëve të zhurmshëm.

“Sezonin e kaluar pata një sezon të mirë dhe kalova shumë mirë me të gjithë atje. Kam bërë më të mirën, kam fituar një kampionat në fund të sezonit, por kam qenë një futbollist i huazuar. Kontrata ime kishte skaduar”, ka thënë fillimisht Rashica.

“Unë jam gjithashtu një futbollist profesionist, kjo është puna dhe karriera ime. Gjithmonë duhet të mendoj për hapin tjetër. Ndër ofertat që kam marrë, klubi që më donte më shumë dhe ku doja më shumë të luaja ishte Beshiktashi. Ne mbajtëm takimet tona dhe arritëm një marrëveshje”, ka shtuar Rashica. “Mbi të gjitha uroj që ekipi ynë të ketë një sezon të mbarë dhe ta kurorëzojë sezonin me kupën e kampionatit në fund të kësaj rruge. Gjërat mund të mos shkojnë gjithmonë mirë, por siç sapo thatë, vërshëllima e fundit është në fushë. Unë kam një mentalitet futbolli që nuk ndalon së luftuari deri sa të bjerë vërshëllima e fundit, dhe kjo është arsyeja pse ekipi ynë dhe tifozët tanë mund të jenë të sigurt se sido që të jetë situata aktuale, do të shikojnë një Rashicë që nuk dorëzohet dhe nuk ndalet së luftuari deri në vërshëllimën e fundit”, ka deklaruar futbollisti “dardan”.

“Nuk kam pasur probleme të mëdha adaptimi dhe mënyra se si njerëzit më pritën ishte shumë e këndshme. Që në momentin e parë që erdha, gjithçka ishte në rregull. Objektet tona, kushtet tona, stadiumi, tifozët tanë… Gjithçka është shumë mirë dhe jam shumë i lumtur që jam në Beshiktash. Është një ndjenjë e mrekullueshme për mua që mund të luaj me fanellën e Beshiktashit”. Në fund, Rashica ka folur për atmosferën të cilën e krijojnë tifozët e klubit bardhezi. “Mendoj se ky detaj është shumë i rëndësishëm sepse ndeshja mund të mos shkojë gjithmonë ashtu siç dëshironi, por ju duhet të mbështesni ekipin tuaj sa më shumë që mundeni. Unë jam një luftëtar, nuk më pëlqen të dorëzohem në përgjithësi. Kjo është pse mendoj se do shkojmë shumë mirë me tifozët tanë.

“Shpresoj që të bëj që tifozët e Besiktasit të shikojnë futboll po aq mirë sa legjendat e klubit luftarak që përmende. Nga ana tjetër, unë luajta në stadiumin tonë si rival sezonin e kaluar dhe atmosfera ishte e mahnitshme, kishte një zhurmë aq të madhe sa mund të ishte shurdhuese”.

“Për më tepër, të gjithë i dinë rekordet e decibelit të thyer nga tifozët e Besiktasit. Prandaj është një ndjenjë e mrekullueshme për mua të luaj në këtë stadium ku kam luajtur më parë me fanellën e skuadrës rivale, tani me fanellën e Beshiktashit. Ne do të luajmë futboll duke e ditur që tifozët e Beshiktashit janë pas nesh me atë zhurmë të madhe dhe është një ndjenjë e mirë”, ka përfunduar ylli i Kosovës.

Futbol Takımımız, Trabzonspor ile oynayacağı maçın hazırlıklarına bugün yaptığı antrenmanla devam etti.  ? pic.twitter.com/9MAK4SZvMx

— Beşiktaş JK (@Besiktas) September 14, 2023