Reali transferon Joselun, nesër e prezanton
19 qershor 2023
| 11:41
Skuadra e Real Madridit ka arritur marrëveshje me Espanyolin pwr huazimin e sulmuesit Joselu. 33-vjeçari është huazuar te Reali për sezonin e ardhshëm, me një opsion blerjeje në fund.
“Mbretërit” konfirmuar huazimin e Joselus me anë të një komunikate zyrtare të publikuar në uebfaqe. Ai do të prezantohet si lojtar i Real Madridit më 20 qershor nga ora 11:00.
Joselu iu bashkua akademisë së Real Madridit në moshën 20-vjeçare dhe luajti dy sezone në Castilla. Ai bëri debutimin e tij me ekipin e parë të Real Madridit në vitin 2011. Joselu është pjesë e ekipit kombëtar spanjoll, me të cilin sapo është shpallur kampion i Ligës së Kombeve të vitit 2023.