Pas nisjes së peticioneve – në bazë të Udhëzimit Administrativ – për largimin e kryetarëve shqiptarë legalë (ndonëse jolegjtimë) në Mitrovicë të Veriut dhe Leposaviq, ambasadori gjerman në Prishtinë, Jorn Rohde, ka kërkuar që ky proces të nis “menjëherë” edhe në Zveçan e Zubin Potok.

Rohde, duke rishpërndarë të njëjtin mesazh dhe thirrje nga Shefi i Zyrës së Bashkimit Evropian në Prishitnë, Thomas Szunyog, tha se e miraton të njëjtën deklaratë “plotzemerësisht”.

“Duke miratuar me gjithë zemër deklaratën e kolegut tim, Thomas Szunyog! Është thelbësore që procesi i mbledhjes së nënshkrimeve të kërkuara të fillojë menjëherë dhe të shpaloset pa probleme edhe në dy komunat tjeera të mbetura”, ka shkruar Rohde në “X”.

Wholeheartedly endorsing my colleague @EUAmbKS's statement!
It is paramount that the process of gathering the required signatures commences promptly and unfolds seamlessly in the remaining two municipalities as well. https://t.co/RZxV7E3GXk

— Ambassador Jörn Rohde (@GermanAmbKOS) January 18, 2024