Rikthimi i Amir Rrahmanit në fushë te Napoli për këtë fundjavë nuk është plotësisht i sigurt, kanë njoftuar mediumet italiane të enjten.

Përkundër raportimeve të mëhershme se Rrahmani do të jetë gati për derbin me Interi, situata e tij mbetet ende e paqartë.

Rrahmani i ka munguar Napolit që nga data 30 gusht dhe nuk ka luajtur në tetë ndeshjet e fundit në të gjitha garat, ndërsa në klub nuk janë të sigurt për kthimin e tij kundër Interit.

Napoli të shtunën prej orës 18:00 përballet me Interin, ndërsa Rrahmani ka gjasa të mos ftohet nga trajneri Antonio Conte për këtë ndeshje.

Sipas mediumeve në Itali, Rrahmani mund të përfshihet në listën e futbollistëve të ftuar për këtë derbi vetëm nëse rikuperohet plotësisht, në të kundërtën, ai do të rikthehet të martën kundër Lecces.