Rritja e rasteve me coronavirus, paralajmërohet përfundimi i gjysmëvjetorit të parë më herët

30 nëntor 13:06

Ministri i Shëndetësisë, Armend Zemaj ka paralajmëruar se gjysmëvjetori i parë i këtij viti shkollor mund të përfundojë më herët se që është i paraparë me kalendarin e Ministrisë së Arsimit, Shkencës dhe Teknologjisë.

Zemaj ka pohuar se kjo do të bëhet për të lehtësuar situatën me gripin sezonal dhe Covid-19.

“Sot do të ulemi pasdite, kemi marrë edhe raportet e IKSHPK-së për gjendjen dhe situatën epidemiologjike në gjithë Kosovën. Do të shohim për mbarëvajtjen e aktiviteteve shkollore, po insistojmë të shkurtohet gjysmëvjetori i parë, sigurisht besojmë se brenda dy javësh duhet të kryhen notimet e nxënësve dhe ta lehtësojmë këtë pjesën me gripin sezonal edhe me COVID-19”, ka thënë Zemaj para mediave.

Ndryshe, trendi i rritjes së rasteve me coronavirus në Kosovë është duke vazhduar. Në 24-orët e fundit janë konfirmuar 626 raste të reja, ndërsa numri i viktimave ka shkruar mbi  një mijë.

Nga 13 nëntori në fuqi kanë hyrë edhe masat e reja kufizuese, ku komunat janë kategorizuar sipas numrit të personave të infektuar me coronavirus.

Lajme të sponsorizuara

Të fundit
Policia e Kosovës ka bërë të ditur policia kufitare në…