Rusia, mbi 9 400 raste të reja me koronavirus

23 maj 11:28

Gjatë 24 orëve të kaluara në Rusi janë shënuar 9 434 raste të reja me Covid-19, duke e çuar në 335 882 numrin e përgjithshëm të të infektuarve.

Qendra për Menaxhimin e Krizave njoftoi se gjatë kësaj periudhe janë shënuar 139 viktima, një ditë pasi u shënua rekord prej 150 të vdekurve për 24 orë. Kështu, numri i përgjithshëm i viktimave shkoi në 3 388.

Sidoqoftë, numri ditor i rasteve të reja ka shënuar rënie të lehtë në Rusi pasi në pjesën e parë të majit vendi regjistronte vazhdimisht mbi 10 mijë të infektuar për 24 orë, shkruan “The Guardian”, transmeton Express.

Presidenti i Rusisë, Vladimir Putin, e ka urdhëruar Ministrinë e Shëndetësisë që të përgatitet për një valë të dytë të virusit në tetor dhe nëntor të këtij viti.

Lajme të sponsorizuara

Të fundit
Shumëkush mund të mendojë se me stadin aktual të zhvillimeve…