Ndërsa industria e automobilave përshpejtohet drejt vitit 2024, S&P Global Mobility parashikon një rritje të konsiderueshme në shitjet globale të automjeteve të reja, shkruan “Protothema”.

Parashikimi tregon që 88.3 milionë automjete të reja do të dalin në treg në mbarë botën vitin e ardhshëm, një rritje prej 2.8% krahasuar me vitin 2023.

Kjo perspektivë optimiste mbështetet nga rimëkëmbja e vazhdueshme e prodhimit të automjeteve, me zinxhirët e furnizimit dhe kërkesat që po fitojnë vrull.

S & P Global Mobility parashikon gjithashtu se kalimi drejt elektrifikimit duket i pandalshëm, pavarësisht pasigurive në Evropë dhe SHBA. Shumë prodhues automjetesh kanë riafirmuar angazhimin e tyre për elektrifikimin në vitet e ardhshme, duke njohur sfidat e rritjes së prodhimit të automjeteve elektrike më të përballueshme.

Organizata parashikon që shitjet globale të automjeteve elektrike të pasagjerëve me bateri do të arrijnë në 13.3 milionë njësi në vitin 2024, duke zënë rreth 16.2% të shitjeve totale.