Armando Sadiku është gati për rikthimin në fushë. Tashmë pjesë e Luganos, sulmuesi i kombëtares shqiptare, do të jetë i huazuar te ekipi nga Zvicra deri në fund të sezonit.

Rikthimi i tij e ka vendosur atë në qendër të vëmendjes. Në një prononcim për “Blick.ch”, Sadiku thekson se te Lugano ndihet si në shtëpi, raporton “PanoramaSport”.

“Është si shtëpi për mua. Kjo e bën çdo gjë të lehtë. Erdha këtu për tu rikthyer në nivelin tim dhe më pas të vazhdoj në Spanjë. Jam shumë mirë tani. Ka qenë periudhë rehabilitimi për 5 muaj e gjysmë. Do të më duhen edhe 2 ose 3 javë që të jem plotësisht gati. Mund të luaj disa minuta ndaj Thunit”, ka thënë Sadiku.