Samir Nasri pensionohet nga futbolli
Ish-ylli i Arsenalit dhe Manchester Cityt, Samir Nasri, ka njoftuar se do të tërhiqet nga futbolli në moshën 34-vjeçare.
Nasri ka fituar dy tituj të Premier Ligës, në 2011-12 nën drejtimin e Roberto Mancini dhe 2013-14 nën Manuel Pellegrini, në stadiumin “Etihad” duke luajtur 46 herë në të gjitha garat në të dy sezonet.
Klubi i fundit i mesfushorit francez ishte skuadra belge Anderlecht, e menaxhuar nga ish-bashkëlojtari i Cityt, Vincent Kompany, por ai është liruar në vitin 2020.
Nasri, i cili është bërë konsulent për kanalin televiziv francez “Canal +” në fillim të këtij muaji, ka përmendur ndalimin e tij prej 18 muajsh të dopingut si një arsye kryesore për të lënë sportin.
“Një episod më lëndoi keq dhe ndryshoi marrëdhënien time me futbollin: pezullimi im. Ka qenë shumë e padrejtë, nuk kisha marrë asnjë produkt doping. Ishte vetëm një injeksion i vitaminave sepse isha i sëmurë. Më ndaloi në gjurmët e mia”, kishte theksuar francezi.
Pas depërtimit në klubin e vendlindjes Marseille, reprezentuesi francez, Nasri ka fituar kalimin e tij në Premierligë me Arsenalin.
Ai më pas ishte transferuar te rivalët e tyre anglezë Manchester City, duke fituar një Kupë të Ligës, një Superkupë si dhe dy titujt e ligës.
Sidoqoftë, ai ka luftuar pasi ishte larguar nga klubi, dhe pas një huazimi në Sevilla kishte disa periudha të shkurtra, në anën turke Antalyaspor, West Ham dhe Anderlecht, si klubet e fundit të karrierës së tij.