Sejdiu thotë se është i gatshëm të rikthehet në krye të LDK-së

08 korrik 2018 | 16:32

Ish-presidenti Fatmir Sejdiu, i cili më herët ka qenë edhe kryetar i Lidhjes Demokratike të Kosovës (LDK) ka shprehur gatishmërinë për t’u rikthyer në krye të kësaj partie.

Ai në një intervistë dhënë “Radios Evropa e Lirë” ka thënë se ka energjinë dhe bagazhin për të qenë në krye të LDK-së.

“Unë e kam dhënë përgjigjen time rreth kësaj pyetjeje që e shtroni ju, se është shtruar në forma të ndryshme. Gjithmonë kam qenë, jam, dhe do të jem i gatshëm që nëse Lidhja Demokratike e Kosovës dhe njerëzit e saj mendojnë se mund të jem në përgjegjësi të veçuara, në këtë rast edhe në udhëheqjen e partisë, jam i gatshëm, absolutisht po”.

“Nuk jam njeri që insistoj domosdo, absolutisht, por insistoj që LDK-ja të bëjë zgjedhjen më të mirë të mundshme. Në këtë rast, unë jam një nga njerëzit që kujtoj se e kam energjinë, e kam bagazhin tim, thjesht edhe politik, edhe përvojën jashtëzakonisht të bollshme, por ajo gjithmonë mund të begatohet edhe plus që të jap kontributin tim në çdo situatë”, ka thënë Sejdiu.

Fjalët Kyçe:

Lajme të sponsorizuara

Të fundit
Deputeti i Nismës Socialdemokrate në Kuvendin e Kosovës, Zafir Berisha,…