ShBA-ja akuzon një grua ruse për spiunim

17 korrik 2018 | 11:11

Autoritetet amerikane kanë arrestuar një grua ruse nën akuzat se ka vepruar si agjente e huaj për Qeverinë ruse.

Në dosjet e dorëzuara në gjykatën federale në Uashington, prokurorët kanë thënë se Maria Butina, 29 vjeçe, ka punuar për të depërtuar në organizatat politike amerikane, përfshirë Shoqatën Kombëtare të Pushkëve, organizatë lobuese me ndikim të madh.

Butina ka zhvilluar lidhje të ngushta me Partinë Republikane dhe është bërë mbështetëse e të drejtave për armë, raportuan mediet amerikane.

Avokati i saj, Robert Driscoll, ka thënë se klientja e tij nuk është “agjente”, por “studente e marrëdhënieve ndërkombëtare, e cila po përpiqet të ndjekë karrierën në biznes”.

Sipas avokatit, Butina nuk ka bërë përpjekje të ndikojë ose të minojë ndonjë politikë, apo ligj të veçantë, apo Shtetet e Bashkuara. (Rel)

Lajme të sponsorizuara

Të fundit
Një delegacion i organizatës amerikane “The Heritage Foundation” i përbërë…