Shërbyesve publikë dhe civilë u dalin rrogat

26 mars 11:35

Ministria e Financave dhe Transfereve njofton se Thesari ka bërë procesimin e pagave për të gjithë ata që marrin paga nga Buxheti i Kosovës, pra shërbyesit publikë dhe civilë.

Pagat për muajin mars realizohen rreth një javë më herët, duke pasur parasysh situatën aktuale të pandemisë dhe masave që po merr Qeveria e Kosovës, është thënë në njoftimin e MFT-së.

“Njoftojmë se me këtë pagë përfshihet edhe pagesa e obligimeve të prapambetura për 861 zjarrfikës përfitues nga komunat e Kosovës dhe Agjencia për Menaxhimin e Emergjencave të Ministrisë së Punëve të Brendshme dhe Administratës Publike”, thuhet në njoftimin e MFT-së.

Po ashtu, MFT thotë se sistemi bankar është mjaft likuid dhe stabil si dhe mjetet në llogaritë tuaja bankare janë tërësisht të sigurta dhe se bankomatet dhe degët e bankave janë të furnizuara mirë me para të gatshme dhe secili do të ketë mundësi t’i marrë shërbimet e nevojshme bankare.

Lajme të sponsorizuara

Të fundit
Presidenti i Turqisë, Recep Tayyip Erdogan, tha se beson se…