Drejtori i Drejtorisë së Prokurimit, Elvis Feka, së bashku me drejtorin e Drejtorisë për Urbanizëm dhe Planifikim Hapësinor, Edison Tërnava, të hënën kanë vizituar çerdhen publike e cila është duke u ndërtuar në Shipol të Mitrovicës.

Përmes kësaj vizite ata kanë parë për së afërmi punimet të cilat janë duke u zhvilluar në ndërtimin e kësaj çerdhe, për të cilën kanë planifikuar buxhet shtesë për këtë vit në mënyrë që punimet të arrijnë në fazën finale.

Kjo çerdhe publike e cila është në ndërtim e sipër do të jetë institucioni më modern i këtij lloji në Mitrovicë, që do të shërbej më shumë për banorët e Shipolit.

Çerdhja ndodhet në një lokacion të përshtatshëm, ku në afërsi të saj ndodhet edhe shkolla fillore, si dhe qendra e mjekësisë familjare.

Tërnava ka thënë se çerdhja do t’i përmbush sado pak nevojat dhe kërkesat e qytetarëve për kujdes ndaj fëmijëve për prindërit të cilët kanë nevojë për kujdes ditorë të fëmijëve të tyre.