Shqipëria dhe Kosova konfirmojnë pjesëmarrjen në Evropa Ligë

13 dhjetor 12:40

Shqipëria konfirmoi pjesëmarrjen për të tretin vit në kompeticionin e volejbollit Evropa Ligë 2018 dhe tashmë mund të nisë puna për përgatitjen e skuadrës së meshkujve dhe femrave pasi shorti ka zbardhur kundërshtarët e dy skuadrave përfaqësuese.

Në Luksemburg, Federata Evropiane e Volejbollit konfirmoi ndryshimin e formatit të evenimentit që do të startojë në mesin e vitit 2018. Do të jenë dy grupet e këtij kompeticioni, “Golden Europa League”, me 12 skuadra dhe “Silver Europa League”, me skuadra, mes të cilave edhe Shqipëria e Kosova, por në grupe të ndryshme.

Djemtë kuqezi bëjnë pjesë në Grupin B bashkë me Bjellorusinë, Kroacinë e Hungarinë, ndërsa Kosova është shortuar me Maqedoninë, Letoninë dhe Austrinë. Sistemi është ai i ndeshjeve vajtje-ardhje. Për femrat, Shqipëria do të përballet me Izraelin, Austrinë dhe Gjeorgjinë, ndërsa Kosova peshkon Zvicrën, Estoninë dhe Suedinë.

Fazat finale do të luhen në mesin e Muajit Qershor ku do të kualifikohen të parat e çdo grupi, e dyta më e mirë dhe vendi organizator. Shteti që do të fitojë “Silver Europa League” do të luajë vitin 2019 në “Golden Europa League” ku edhe konkurrenca është më e fortë. (Supersport)

Fjalët Kyçe:

Lajme të sponsorizuara

Të fundit
Myftiu i Republikës së Kosovës, Naim ef. Tërnava, sot ka…