Si u fsheh për 16 vite në Serbi kryemasakruesi i Srebrenicës, Ratko Mladiq

11 korrik 22:20

Krimineli serb, i dënuar për krime të luftës, Ratko Mladiq me 26 maj të vitit 2011 ishte arrestuar nën akuzat për masakrën e Srebrenicës ku mbetën të vrarë 7500 burra dhe djem boshnjak.

Për 16 vite, Mladiq i iku drejtësisë duke u fshehur në territorin e Serbisë, shkruan Indeksonline.

Fuqitë ndërkombëtare i kishin bërë presion Serbisë që ta arrestonte Mladiqin sa më shpejtë. Në atë kohë Serbia akuzohej se po heziton që ta arrestoj kriminelin e luftës.

Ai ishte arrestuar në fshatin Lazarevo, 80 kilometra në veri të Beogradit.

Krimineli serb kishte ndërruar emrin e kishte bërë, Milorad Komodic. Ai kishte qëndëruar në një shtëpi të një të afërmi të tij.

Një zëdhënëse për familjet e viktimave të Srebrenicës, Hajra Catiç, kishte thënë pas arrestimit për agjencinë e lajmeve AFP: “Pas 16 vjetësh pritje, për ne, familjeve të viktimave, kjo është një lehtësim”.

Mladiq është i dënuar me burgim të përjetshëm nga gjykata ndërkombëtare e Hagës.

Lajme të sponsorizuara

Të fundit
Ministri i Tregtisë dhe Industrisë (MTI), Endrit Shala, ka theksuar…