Simeone: I kërkova Suarezit ta pyesë Messin nëse donte të vinte në Atletico
13 tetor 2021
| 17:05
Trajneri Diego Simeone ka treguar se i kishte kërkuar Luis Suarezit ta pyeste Lionel Messin nëse ai ishte i hapur për t’iu bashkuar Atletico Madridit.
Messi u largua nga Barcelona në verë, pasi i mbaroi marrëveshja me klubin, një vjet pasi Suarezi iu bashkua Atleticos nga “Camp Nou”.
“Unë nuk i telefonova Leos, por e thirra Suarezin për ta pyetur se çfarë po bënte Messi, se atij a do t’i pëlqente ideja dhe nëse kishte ndonjë mundësi që ai të vinte në Atletico. Ishte diçka që zgjati tri orë, sepse PSG-ja e kishte vendosur tashmë ta merrte atë. Pra, mundësia për të punuar me Messin nuk erdhi asnjëherë”, ka thënë Simeone.